ಮಂಗಳವಾರ, ಜನವರಿ 04, 2011

’ಕೊಂಕಣ’ ಕನ್ನಡದ ಪದವೇ?

ಇತ್ತೀಚೆಗೆ ಗೋವಾದ ಮಂತ್ರಿಯೊಬ್ಬರು ಕಾರವಾರದ ಕೆಲವು ಬಾಗಗಳನ್ನ ಗೋವಾಗೆ ಸೇರಿಸ್ಬೇಕು ಅಂತ ಹೇಳಿಕೆ ಕೊಟ್ಟಿದ್ರು.
ಆದರೆ ’ಗೋವೆ’ಯೇ ಕನ್ನಡದ ಹೆಸರು ಆಗಿರುವಾಗ ಅದನ್ನ ಕರ್ನಾಟಕಕ್ಕೆ ಸೇರಿಸ್ಬೇಕು ಅಂತ ನಾವು ಹೇಳ್ಬೋದು...
ಹೇಗೆ?

ಕನ್ನಡದಲ್ಲಿ(ಮತ್ತು ಇತರ ದ್ರಾವಿಡ ನುಡಿಗಳಲ್ಲಿ) ಕೊಂಕ, ಕೊಂಕು, ಕೊಕ್ಕೆ, ಕೊಂಡ(ಕುಂದ) ಎಂಬ ಪದಗಳಿವೆ. ಅದರಲ್ಲಿ ಕೊಂಕ ಅನ್ನುವ ಪದಕ್ಕೆ ವಕ್ರ, ಡೊಂಕ ಅಂತಲೂ ಕೊಂಡ/ಕುಂದ ಅನ್ನುವ ಪದಕ್ಕೆ ಬೆಟ್ಟ ಅನ್ನುವ ಅರ್ಥಗಳುವೆ.
Ka. kokki, kokke crookedness, perverseness, a crook, bend, hook; kogga, kokkari, koṅga, koṅgari crookedness; koṅki a hook, fish-hook, angle; koṅku to be bent, get crooked, curved, distorted, deformed, or curled, become perverse, untrue, etc.; n. (also koṅgu) state of being bent, crooked, etc.; koṅkisu to make crooked

Ka. koṇḍa,kunda hill, mountain

ನಮ್ಮ ತೆಂಕುಭಾರತದ ಪಡುವಲ ತೀರದುದ್ದಕ್ಕೂ ಇರುವ ಅಂಕು ಡೊಂಕಾದ ಬೆಟ್ಟಗಳ ಉದ್ದ ಸಾಲಿನಲ್ಲಿರುವ ನಾಡೇ ’ಕೊಂಕ್’ಣ. ತೆಂಕಲ್, ಬಡಗಲ್, ಪಡುವಲ್, ಮೂಡಲ್ ಇವುಗಳು ತೆಂಕಣ, ಬಡಗಣ, ಪಡುವಣ, ಮೂಡಣ ಆದ ಹಾಗೆ ಕೊಂಕಲ್ -> ಕೊಂಕಣ ಆಗಿರಬಹುದು.

ಕೊಂಕಣ (ಸಂಸ್ಕೃತೀಕರಿಸಿದರೆ)-> ಕೋಂಕಣ (ಕೊರಲಿಸದ -> ಕೊರಲಿಸಿದ)-> ಗೋಂಕಣ (ಪ್ರಾಕ್ರುತದಲ್ಲಾಗುವ ಮೊಟಕಿಸುವಿಕೆ)--> ಗೋಂ -> ಗೋಮ್ -> ಗೋಮೆ(ಮ->ವ) -> ಗೋವೆ -> ಗೋವಾ

ಇನ್ನು ಕರ್ನಾಟಕದ ಉತ್ತರಕನ್ನಡದಲ್ಲಿರುವ ಗೋಕರ್ಣದಲ್ಲಿರುವ ’ರ’ಕಾರ ತೆಗೆದುಹಾಕಿದರೆ ಗೋಕಣ - ಇದಕ್ಕು ಮೇಲೆ ಹೇಳಿರುವ ’ಪದವುಟ್ಟು’ ಒಪ್ಪುತ್ತದೆ.

[ ಸೇಡಿಯಾಪು ಕ್ರುಶ್ಣಬಟ್ಟರವರ ’ಶಬ್ದಾರ್ಥಕೋಶ’ ದಿಂದ ಇಲ್ಲಿ ಕೆಲವು ಅಂಶಗಳನ್ನು ಹಾಕಿದ್ದೇನೆ.]

3 ಕಾಮೆಂಟ್‌ಗಳು:

ಕೃಷ್ಣಪ್ರಕಾಶ ಬೊಳುಂಬು/കൃഷ്ണപ്രകാശ് ബൊളുമ്പു ಹೇಳಿದರು...
ಲೇಖಕರು ಈ ಕಾಮೆಂಟ್‌ ಅನ್ನು ತೆಗೆದು ಹಾಕಿದ್ದಾರೆ.
Bharath ಹೇಳಿದರು...

ಈ ಗೋಮಾನ್ತಕರು ಯಾರು? ಎಲ್ಲಿಂದ ಬಂದರು...ಗೋಮಾನ್ತಕರು ಇವೆಲ್ಲ ಕೊಂಕಣದಿಂದಲೇ ಹುಟ್ಟೀರೋದು.

ಸೇಡಿಯಾಪು ಕೃಶ್ಣಬಟ್ಟರು ಮತ್ತು ಶಂ.ಬಾ.ಜೋಶಿಯವರು ಈ ’ಪದವುಟ್ಟು’ ಕೊಂಕ್ -> ಗೋವ..ಹೇಳಿರುವುದು

ಸೇ.ಕೃ.ಬಟ್ಟರ ’ಶಬ್ದಾರ್ಥಶೋಧ’ ಮತ್ತು ಶಂ.ಬಾ.ಸಂಪುಟ
ಓದಿ.

ಅಲ್ಲದೆ ಕರ್ನಾಟಕ ಮತ್ತು ತಮಿಳು ನಾಡಿಗೆ ಹೊಂದಿಕೊಂಡ ಕೊಯಮತ್ತೂರು ಪ್ರದೇಶಕ್ಕು ’ಕೊಂಗು ನಾಡು’ ಎಂಬ ಹೆಸರಿದೆ.

Manjunatha Kollegala ಹೇಳಿದರು...

"ನಮ್ಮ ತೆಂಕುಭಾರತದ ಪಡುವಲ ತೀರದುದ್ದಕ್ಕೂ ಇರುವ ಅಂಕು ಡೊಂಕಾದ ಬೆಟ್ಟಗಳ ಉದ್ದ ಸಾಲಿನಲ್ಲಿರುವ ನಾಡೇ ’ಕೊಂಕ್’ಣ" - ಒಪ್ಪಿದೆ.

ಆದರೆ ಕೊಂಕಣವನ್ನು ಸಂಸ್ಕೃತೀಕರಿಸಿದರೆ (ಸಂಸ್ಕೃತೀಕರಿಸುವ ಕಾರಣವೇನೋ!) ಕೊಂಕಣ => ಗೋಂಕಣ => ಗೋಕರ್ಣ!!! ಇದು ಮಾತ್ರ ಮರಿಯಿಂದಲೇ ಅಮ್ಮನನ್ನು ಹುಟ್ಟುಹಾಕಿದಂತಾಯಿತು. ಸಂಸ್ಕೃತದಲ್ಲಿ ಹಾಗೆಲ್ಲಾ ಸಿಕ್ಕಸಿಕ್ಕಂತೆ ಸಾಧಿತ ಪದಗಳು ಹುಟ್ಟುವುದಿಲ್ಲ. ಹೊರಗಿನಿಂದ ಬರುವುದೇ ಆದರೆ ಮೂಲಪದಗಳು ಬರುತ್ತವೆಯೇ ಹೊರತು ಸಾಧಿತ ಪದಗಳಲ್ಲ. ಸಾಧಿತ ಪದಗಳು ಮೂಲಪದಗಳಿಂದ ಸಂಸ್ಕೃತ ನುಡಿಯರಿಮೆಗನುಗುಣವಾಗಿ ಹುಟ್ಟುತ್ತವೆ. ಗೋಕರ್ಣ ಅನ್ನುವುದರ ಪದವೊಡೆತ ಸ್ಪಷ್ಟವಾಗಿಯೇ ಇರುವಾಗ (ಗೋ = ಹಸು; ಕರ್ಣ = ಕಿವಿ) ಇಷ್ಟೆಲ್ಲಾ ದ್ರಾವಿಡ ಪ್ರಾಣಾಯಾಮದ ಅಗತ್ಯವೇ ಇಲ್ಲವೆನಿಸುತ್ತದೆ.