ಶನಿವಾರ, ಮೇ 09, 2020

ಅಂದುಕೊಂಡಿದ್ದೆ ನಾನು

ಅಂದುಕೊಂಡಿದ್ದೆ ನಾನು
ಬರೆದಿದ್ದೆ ಎಲ್ಲವನು
ಅಂದುಕೊಂಡಿದ್ದೆ ನಾನು
ತಿಳಿದಿದ್ದೆ ಎಲ್ಲವನು
ಆಗ ನಾನು ನಾನಾಗಿರಲಿಲ್ಲ

ಅಂದುಕೊಂಡಿದ್ದೆ ನಾನು
ಮಂದಿ ಮೆಚ್ಚಿಹರು ಬರಹವನು
ಅಂದುಕೊಂಡಿದ್ದೆ ನಾನು
ಸುತ್ತಲು ಮುತ್ತುವರು ಎನಗಾಗಿ
ಆಗ ನಾನು ನಾನಾಗಿರಲಿಲ್ಲ

ಅಂದುಕೊಳ್ಳಲು ನಾನು
"ನನ್ನ ನಾ ಅರಿತಿಹೆನೆ?"
ಬಂದನೊಬ್ಬನು ಎಲ್ಲಿಂದಲೊ
ಹೊದ್ದು ಹೊಸ ಪಾಂಗನು
ಆಗಲೂ ನಾನು ನಾನಾಗಿರಲಿಲ್ಲ

ಅಂದುಕೊಂಡೆನು ನಾನು
ಕಲಿಸಿಹೋದನಾ ಅವನು
ನಾನಾಗುವ ಬಗೆಯ
ಆಗ ನಾನು ನಾನಾಗಿರಲಿಲ್ಲ

ಕಂಡುಕೊಂಡೆನು ನಾನು
ಕಂಡಿತ ನಾನಾಗುವ ಬಗೆಯ
ನನಗೆ ನಾನು ಕಲಿಸುವ ಬಗೆಯ
ಆಗ ಅವನು ಅಲ್ಲಿರಲಿಲ್ಲ
ನಾನು ನಾನಾಗಿದ್ದೆ

ಕಾಮೆಂಟ್‌ಗಳಿಲ್ಲ: